Buhari na shirin kulla min sharri- Obasanjo

Tsohon Shugaban Kasa Olusegun Obasanjo ya zargin Shugaban Kasa Muhammadu Buhari da shirin daure shi saboda sukar gwamnatinsa da ya yi.

A cewar Obasanjo, “Na samu labari daga wasu majiyoyi na tsaro inda suka tabbatar min da cewa gwamnati na shirin amfani da hukumar EFCC da wasu shaidun zur domin a daure ni.”

Wannan bayanin na kunshe a wata takarda wadda mai magana da yawun tsohon shugaban Mista Kehinde Akinyemi ya sa wa hannu, kamar yadda kafafen yada labarai na kasar nan suka wallafa.